Наскавец Міхаіл Данілавіч

Нарадзіўся 1 мая 1940 г. у вёсцы Наваселле Бярэзінскага раёна.  Навучаўся ў Арэшкавіцкай школе, па заканчэнні якой атрымаў сярэбраны медаль. У 1961 г. скончыў Беларускі інстытут народнай гаспадаркі, паводле размеркавання трапіў у Казахстан. Працаваў навуковым супрацоўнікам Казахскага навукова-даследчага інстытута эканомікі. Ахвяра палітычных рэпрэсій 80-ых гадоў. Рэабілітаваны ў 1988 г. У 2002 г. вярнуўся ў родныя мясціны. Аўтар навуковых работ і артыкулаў. У 2005 г. Бярэзінскай цэнтральнай бібліятэкай выдадзены зборнік “Вершы рэпрэсаванага”. Памёр 8 кастрычніка 2006 г.