16:34 Родная мова, цудоўная мова! | |
 Родная мова, цудоўная мова! Ты нашых думак уток і аснова! Матчын дарунак ад самай калыскі, ты самацветаў яскравая нізка. ………………………………… Кожнай драбнічкай ты варта пашаны, кожнае слова вякамі стварана. І на вякі яно жыць застаецца, вечнае так, як народнае сэрца. Мова жывая, пакуль на ёй гавораць. Дзень роднай мовы — нагода яшчэ раз задумацца пра лёс і будучыню той, якую мы завём нацыянальнай і матчынай. Беларуская мова — самая мілагучная пасля італьянскай, вырашылі эксперты ЮНЭСКА. Гісторыкі сцвярджаюць, што яна яшчэ і самая старажытная сярод славянскіх. Але ўсялякае пачуццё гонару і годнасці перакрэслівае статыстыка. Падчас апошняга перапісу ўсяго 23,4% жыхароў краіны сказалі, што размаўляюць па-беларуску ў паўсядзённым жыцці. У Багушэвіцкай бібліятэцы-клубе пра родную мову ўспамінаюць не толькі 21 лютага - большая частка мерапрыемстваў праводзіцца на беларускай мове, наведвальнікам заўседы прапаноўваюцца кнігі беларускіх аўтараў. Увесь месяц у бібліятэцы дзейнічала кніжная выстава “Любі, шануй і ведай свае слова”. А ўдзельнікі аднаіменнай гадзіны роднай мовы “Любі, шануй і ведай свае слова” чыталі вершы і слухалі песні на такой цудоўнай, красамоўнай і мілагучнай мове.  | |
| Просмотров: 222 | | |
| Всего комментариев: 0 | |