Сёння 26 лістапада спаўняецца 115 гадоў з дня нараджэння беларускага пісьменніка-сатырыка, нашага земляка Міхася Скрыпкі. Нарадзіўся ў в. Месціна, Бярэзінскага р-на. Дэбютаваў у друку у 1927. Аўтар зборнікаў баек, вершаў, мініяцюр «Сатыра і гумар», «Сатырычны калаўрот», «Ад смеху не ўцячэш» , зборнікаў аповесцей, апавяданняў і гумарэсак «Мая хата не з краю» , «Пад корань» , «Усяк бывае…» , «Шануючы вас» і інш.М іхась Аляксандравіч выступаў як драматург. Аўтар сцэнарыя кароткаметражнай тэлекамедыі «Акадэмік», звыш трыццаці аднаактовых п'ес, камедый для мастацкай самадзейнасці «Дадому», «Тэлеграма», «Землякі» , «Чорт дапамог», «Навагодняя сустрэча», «Небяспечны госць», «На сваю галаву». Запрашаем усіх, хто хоча азнаёміцца з яго творчасцю ў Бярэзінскую раённую бібліятэку.