3 лістапада ў Пагосцкай сельскай інтэграванай бібліятэцы прайшла акцыя "Настаўнікі чытаюць Коласа" да 139-годдзя пісьменніка. Гэта стымулявала настаўнікаў мясцовай школы перачытаць творы беларускага класіка, пазнаёміцца са старонкамі яго жыцця творчасці. Класік беларускай літаратуры Якуб Колас пакінуў вялікую спадчыну, на якой узгадавалася не адно пакаленне, яго творы прадстаўляюць цікавасць не толькі для настаўнікаў літаратуры, але і іншых школьных прадметаў.