Літаратурным інфармацыйна-асветніцкім упрыгажэннем суботняга свята вёскі Вяшэўка 25 ліпеня стаў краязнаўчы прыпынак “Вёска Вяшэўка – малая радзіма вядомага пісьменніка”, падрыхтаваны супрацоўнікамі Бярэзінскай раённай бібліятэкі да 100-годдзя пісьменніка Якуба Ермаловіча. Цікавасць вяскоўцаў выклікала выстава-прэзентацыя мастацкіх твораў земляка і рэкламна-інфармацыйная трыбуна “Ён праславіў родную вёску на ўвесь літаратурны свет” з агучваннем малавядомых цікавых фактаў біяграфіі творча адоранага нараджэнца бярэзінскай вёскі.