Главная » 2019 » Апрель » 16 » Прывітанне ад Клуба творчых сустрэч
13:26
Прывітанне ад Клуба творчых сустрэч

Прывітанне ад Клуба творчых сустрэч, які існуе ў нашай бібліятэцы ўжо шмат год! На гэты раз к нам у Бердаварот зацягнула таленавітую маладую паэтку, рэдактара аддзела паэзii часопiса “Маладосць”, выпускнiцу Школы маладога пiсьменнiка Крысцiну Бандурыну. Яна завітала ў бібліятэку цёплым і сонечным суботнім днём 13 красавіка. З гэтай нагоды мы запрасілі старшакласнікаў Сярэдняй школы № 2. У звычайным жыцці Крысціна размаўляе на роднай беларускай мове, вершы піша таксама беларускамоўныя. Таму перад яе выступам мы з гасцямі сустрэчы правялі невялікую віктарыну, пераключыліся на беларускую мову. Паэтка – дзяўчынка з неверагоднымі блакітнымі вачыма-азёрамі - чытала свае вершы і расказвала аб сваім жыцці, аб сучасных людзях і чалавечнасці, дый настолькі адкрыта і сумленна, што падлеткі ўвесь час слухалі моўчкі, а гэта для іх не ўласціва! Несумненна, Крысціна закранула іх сэрцы, прымусіла задумацца аб важным. Дзякуй ёй за шчырасць! Дзякуй дзевятаму класу школы № 2, што не паленаваліся наведаць нас. І дзякуй нам J 

Просмотров: 219 | Добавил: tanzaickina | Теги: Центральная библиотека
Всего комментариев: 0
avatar